Sehemu ya wafanyabiashara wa soko la Samaki ferry, mkuu wa wilaya na maafisa wa kampuni ya Taifa gas wakikata keki katika shughuli hiyo ya kugawa mitungi ya gesi 300 kwa wafanyabiashara wa Samaki katika soko la ferry jijini Dar es Salaam
Sehemu ya shehena ya gesi iliyogawiwa
Mmoja wa maafisa wa kampuni ya Taifa gas akigawa mtungi wa gesi kwa mmoja ya wafanyabiashara wa Samaki katika soko la ferry
***
Wakati mkutano mkubwa wa kimataifa wa Nishati ukiendelea nchini kampuni ya Taifa Gas imeunga mkono jitihada za Rais wa Jamhuri ya Muungano wa Tanzania Mheshimiwa Dkt Samia Suluhu Hassan za kupambana na mazingira kupitia nishati safi ya kupikia kwa kuwagawia mitungi 300 ya gesi wafanyabiashara katika soko la Samaki ferry jijini Dar es Salaam.
Akizungumza na wafanyabiashara wa soko la Ferry wakati wa hafla ya kukabidhi mitungi hiyo iliyohudhuriwa na wadau mbalimbali wakiwemo Baba Lishe na Mama Lishe katika soko hilo, Meneja Masoko na Uhusiano wa Taifa Gas, Bw Oscar Shelukindo amesema kwamba siku hii ni muhimu kwa sababu kuna mkutano mkubwa wa kimataifa wa nishati nchini unaendelea wenye kutoa mustakabali wa kijani kibichi na endelevu hapa nchini.
“Jitihada hizi ni kuhakikisha kwamba mapinduzi ya kijani yanafanikiwa kwa watanzania wengi zaidi kuanza kutumia nishati safi kwa ajili ya kupikia ili kuchochea ukuaji wa biashara zao na Uchumi kwa ujumla,” amesema Shelukindo.
amesema kwamba dhamira ya Taifa Gas ni kuunga mkono agenda ya nishati safi inayoongozwa na Rais wa Jamhuri wa Muungano wa Tanzania, Dkt. Samia Suluhu Hassan juhudi hizo zinaenda na uongozi wake wenye maono na kujitolea kwa mheshimiwa Rais katika mandhari nzima ya nishati safi nchini.
“Leo, tunakabidhi mitungi 300 ya gesi, mitungi 100 ya kilo 38 na 200 ya kilo 6 kwa wafanyabiashara wanaokaanga Samaki wakiwemo Mama lishe na Baba lishe hapa Ferry, ishara ya kuendeleza suluhisho la nishati safi kwa wote,” amesisitiza.
Ameongeza kwamba juhudi hizo inawakilisha matamanio yao ya pamoja ya kupunguza utegemezi wa kuni na mkaa yanayoharibu mazingira na kwa kutoa mitungi hiyo ya nishati safi, wanalenga kuboresha maisha ya jamii ya watanzania hususan wapishi wa ferry na kukuza afya na usalama, na kulinda mazingira kwa manufaa ya vizazi vijavyo.
Bw Shelukindo amesema kwa pamoja, wanaweza kufikia malengo yao na kuhakikisha Tanzania inaendelea kua kinara katika maendeleo endelevu ya matumizi ya nishati safi duniani.
Meneja Masoko na Uhusiano wa Taifa gas, Bw Oscar Shelukindo akizungumza na waandishi wa habari hawapo (pichani ) katika hafla ya kukabidhi mitungi 300 ya gesi wa wafanyabiashara wa samaki katika soko la Ferry , kati kati na Mkuu wa Wilaya ya Ilala , Edward Mpogolo
Mmoja wa maafisa wa kampuni ya Taifa gas akigawa mtungi wa gesi kwa mmoja ya wafanyabiashara wa Samaki katika soko la ferry, katika hafla ya kampuni ya Taifa gas ya kugawa mitungi 300 ya gas kwa wafanyabiashara wa Samaki katika soko la ferry
Washiriki pia waligawiwa T-shirt
Mkuu wa wilaya ya Ilala, Edward Mpogolo akimlisha keki mmoja wa wakaanga Samaki katika soko la ferry mara baada ya hafla ya kukabidhi mitungi 300 ya gesi kutoka kampuni ya Taifa gas
Washiriki katika hafla hiyo wakifurahia keki
0 Comments